كل ما تريد معرفته عن قصر البارون/حقيقة تلقيبة بالقصر المسكون

أعمل ايه لو مزاكرتش حاجة و الإمتحان بكرة

خلينا نتفق أنه لما يكون قدامك(24)ساعة فقط علشان تذاكر مادة كاملة هتكون مهمة صعبة بس مش مستحيلة, خلينا نشوف شوية الطرق دي الي هتساعدك جدا بإذن الله تعالي.

1-الإستعداد للمذاكرة:

قبل ما تعمل أي حاجة أو تبتدي مذاكرة لاذم تاخد بالك من شوية حاجات,اول حاجة المكان الي هتذاكر فيه لاذم يكون منظم ومرتب.

الإضائة لاذم تكوم مناسبة متخليهاش تكون ضعيفة جدا (تنيمك) ولاجامده جدا (تصدعك),بعد كدا أبعد عن المكان إالي بيبقا فيه دوشه وكمان لاذم تبعد عن المكان إلي بتنام فيه.

وابعدعن عي حاجة تشتت انتباهك ذي (التليفون_التليفزيون_الكمبيوتر)بلاش توتر وأقرئ أية قرأنية تهديك مثلا:

قال تعالى : وَقَالَ لَهُمْ نَبِيُّهُمْ إِنَّ آيَةَ مُلْكِهِ أَنْ يَأْتِيَكُمُ التَّابُوتُ فِيهِ سَكِينَةٌ 

مِنْ رَبِّكُمْ وَبَقِيَّةٌ مِمَّا تَرَكَ آلُ مُوسَىٰ وَآلُ هَارُونَ تَحْمِلُهُ الْمَلَائِكَةُ ۚ

إِنَّ فِي ذَٰلِكَ لَآيَةً لَكُمْ إِنْ كُنْتُمْ مُؤْمِنِينَ ﴿٢٤٨﴾( سورة البقرة).

2_ثانيا إتعامل مع المادة بإسلوب(المترو):

إي هي طريقة المترو دي,إنك تعدي علي الدروس كلها بشكل سريع وياريت لو بصوت عالي كده وتسمع نفسك هيكون أفضل ولما توصل عند جزء مهم الي هوهنسميه (المحطة).

 أوقف وإدي الموضوع حقه وأكتب العناصر الخاصه بيه مع شرح مختصر جدا لكل عنصر,وعلي فكرة إنك تكتب مع المذاكرة بصوت عالي ده هيفرق معاك جدا وخد بالك وأنت ماشي بسرعه إن العناصر الي بتعدي عليها دي مفهومة ليك بدون شرح.

 وخلي بالك إن المحطات إلي بتوقف عندها دي هي غلي عندك فيها مشاكل فلاذم تكتب الشرح بتاع كل عنصر والاجزاء المهمة,وتخيل كل الاسئة المهمة الي ممكن تيجي علية وجاوب عليها حتي ولو بشكل شفوي وسريع مش أكتر المهم إنك تلاقي نفسك فاهم إلي أنت ذاكرته.

3-طريقة الإستبعاد:

إستبعد,هات إمتحانات 10 سنين فاتوا وشوف الاسئلة إلي جت كتير في الأمتحانات وهي دي بس إلي تركز عليها,وغالبا بالشكل ده هتكون لميت من50-60%من المادة بحكم إن الأسئلة بتتعاد بس بطرق وأشكال مختلفة.

أكيد في ناس هتقول أن الطريقة دي فيها مخاطرة وأحنا مش عاوزين نستبعد حاجة,يبقي مفيش غير تقطيع الكتاب!

اه هتقطع الكتاب أنتو 3 من أصحابك ل 4 أجزاء مثلا وكل واحد فيكو هيخلص الجزء بتاعه في10صفحات مثلا وخل واحد هيشرح الي لخصوا للباقي غالبا الطريقه دي بتاخد 4 ساعات مثلا.

وبعد كده تقدروا تلموا التلخيص دا كلوا وتلموا الطريقة الي فاتت وهي(طريقة الإستبعاد)وتركزوا أوي في الموضوعات جت في أمتحانات10سنين فاتوا,إتفقنا إنك هتذاكر بصوت عالي وهتستخدم الورقة والقلم في كتابة العناصر إلي بتعدي عليها.

 بس هنزود عليها بس عليها إنك تعمل للعناصر دي (كلمات مفتاحية) تكون ذي منبه يفكرك بمحتوي العنصر ده,يعني مثلا لو الفصل الاول مكون من10 عناصر هتخلي لكل عنصر كلمه مفتاحية تكون علامة تفكرك بمحتوي العنصر.

 ده منغير ماتحتاج الشرح التفصيلي لكل عنصر,بالطريقة دي هتلاقي نفسك ملخص الفصل المكون من العناصر في10 كلمات فقط.

4-طريقة الشفرة:

والطريقة بتعتمد انك تاخد من كل عنصر حرف مميز وتجمع من الحروف دي جملة او كلمة,الطريقة دي كنا بنحفظ بيها زمان ترتيب العناصر الكيميائية في الجدول الدوري مثلا.

5-طريقة البرشام:

محدش يفهمني غلط,طريقة البرشام دي المقصود بيها إنك تكتب المعلومات والعناصر المهمة في ورق صغير ذي ورق البرشام كدة بالظبط.

بس مش تاخده معاك الإمتحان,لأ تذاكر منو لانك بالطريقة دي هتحس ان المنهج قليل وفي نفس الوقت عقلك هيكون مركز جدا وبيعمل فلترة للمهم ولل مش مهم.

في النهاية:في مبدأ أساسي لاذم تاخد بالك منو وهو أن السهر مش هيساعدك في إنجاز المهمة الافضل والاحسن أنك تبدأ في وقت بدري ذي مثلا(5_6)صباحا ده علشان تخلص في وقت مبكر.

 وتلحق تاخد راحة علشان عقلك يثبت المعلومات,متنساش تاخد بريك10د كل(60)د علشان مش تهنج

وفي حاجة أخير حابب أقولكم عليها وهي إن أفضل طريقة لتثبيت المعلومات هي

الخرائط الذهنية_الجداول.

أتمني ان أكون قد أفدتك عزيزي القارئ